SUROBOYO (indoshinju.com) – Rek aja sampek gak teka ya, mene Dina Sabtu (21/5/16), mulai jam Sanga (09.00) ana acara apik nang Taman Hiburan Pantai (THP) Kenjeran.
Acara iki ora umum rek, mbakar karo mangan iwak bareng.
Mbakare nganggo panggangan dawane telungatus (300 meter).
Ora tanggung-tanggung, sing dibakar iwak rong (2) ton.
Sing mbakar mbok dewore nelayan Kenjeran.
Sing nggarai eman-eman nek acara iki dilewatna rek, ya merga gak cumak iku tok acarane.
Sak marine mbakar karo mangan iwak, isih ana acara festival band pelajar, diterusna mbarek tampilan grup band sing nyanyi lagu-lagune Koes Plus.
Sak liyane iku, Wagub Jatim Gus Ipul, Ketua DPRD Suroboyo Cak Armuji, lan pejabat liyane melu mbakar iwak.
Sing seru maneh, ana tamu-tamu teka Konsulat Jenderal pitung (7) negara melu teka ning acara iki.
Terus dalune, mulai jam wolu (20.00), grup musik Koes Plus (aseli) yo tampil nggibur peno kabeh sing teka.
Koes Plus Asli, ora KW-KW-an, Kabeh mau bagian Festival Pantai Kenjeran ambek Mbakar-Mangan Iwak Bareng Nang Kenjeran.
Kapan peno kabeh penasaran, ayo teka rek, ana sekitar limangewu (5.000) uwong tumplek blek.
Tak tunggu ya dulur-dulur, “AYO REK…..” Nang Kenjeran.
Mbakar ambek Mangan Iwak Bareng, Tak tunggu yo Rek….
Nunut Moco/NM: Nang Acara Iki Ora ana agenda Peresmian Jembatan Kenjeran, Sepisan maneh, Ora ana Agenda Peresmian Jembatan Kenjeran. (Ais)
